 |
| مــــــــدونة ادريـــــــــس عمر مصطفى التعليمية |
قبل كل شئ لابد لى من ان أهنئكم على النجاح و التفوق :
ألف ألف مبروك و عقبال الدراسات العليا.
| إمــــدونة ادريــــــــس عمر مصطفى دوقة التعليمية |
نصيحتى ليكم :
أجعل ترتيب رغباتك وفقا لميولك لمجال ما و ليس جامعة ما ذات سمعة جيدة .ليه و لماذا و عشان شنو و Why ؟؟؟؟
أوريك ليه و لماذا و عشان شنو و Why :)
والله و بالله و تالله أى طالب عايز يقدم للجامعات يكون واحد من الاربع ديل :
أولا :
طالب عايز يقدم --------> و يكون ما عندو أى جامعة محددة يحلم و يتمنى يدرس فيها ولا عندو مجال أو نخصص محدد يحلم و يتمنى يدرسو , ما مهم بالنسبة ليهو يدرس وين و فى أى جامعة ( ان شا الله يدرس فى جامعة ...................... ) . وما مهم بالنسبة ليهو المجال او التخصص ( ان شا الله مجال ؤى علوم الحشرات اللافقاريات ) .
يقدم فيها و يقبلو و يكون طاير من الفرح لانو ح يدرس فى جامعة , لكن تعال أسالو بعد شهر او شهرين , طبعا خلاص دخول الجامعة اللى كان بالنسبة ليهوهدف و غاية اتضح ليهو بداية تعب وارهاق مواصلات و المجال او التخصص أصلا و أساسا ما كان رغبتو بقى ليهو دبرشة و ملل فى محاضرات بايخة بالنشبة ليهو, يقول ليك انا بفكر أخلى الجامعة الما جايبة حقها دى :( ....!! أو يقول ليك انا كرهت الجامعة ؟؟؟؟ أو يقول ليك انا كرهت الاساتذة كلهم !!! ا أو يقول ليك انا ح أخشش السوق :) :) !!!!؟
ثانيا :
طالب عايز يقدم --------> و يكون عندو جامعة محددة يحلم و يتمنى يدرس فيها , ما مهم بالنسبة ليهو المجال او التخصص ( ان شا الله مجال ؤى علوم الحشرات اللافقاريات ) .
يقدم فيها و يقبلو و يكون طاير من الفرح لانو ح يدرس فى أحسن جامعة , لكن تعال أسالو بعد سنة او سنتين , طبعا خلاص الجامعة اللى كانت بالنسبة ليهو أرض الاحلام و جنة الفردوس اسى بقت ؤى بيتهم ما عندها بريق و لمعان و جاذبية و المجال او التخصص أصلا و أساسا ما كان رغبتو , يقول ليك انا بفكر امتحن تالتة تانى :( ....!! أو يقول ليك انا كرهت الجامعة ؟؟؟؟ أو يقول ليك انا كرهت الاساتذة كلهم !!! ا أو يقول ليك انا دقست و الله :) :) !!!!! بالله بعد شنو !!!!؟
ثالثا :
طالب عايز يقدم --------> و يكون عندو مجال أو نخصص محدد يحلم و يتمنى يدرسه , ما مهم بالنسبة ليهو يدرس وين و فى أى جامعة ( ان شا الله يدرس فى جامعة ...................... ) .
يقدم فيها و يقبلو و يكون طاير من الفرح لانو ح يدرس رغبتو و ح يحقق أمنيتو, و خ يتحمل كلام الناس المحبطين وكما يتعود على بيئة الجامعة قاسية كانت ام طاردة فى سبيل تحقيق هدفه . و لو قابلتو بعد سنة او سنتين و سالته عن الدراسة يبدا يحكى ليك عن تخصصه و تاريخ و حاضر و مستقيل مجال و بعد ساعة من الكلام عن مجالو يقول ليك ناوي أحضر الماجستير فى نفس الجامعة و فى نفس الكلية !!!!!.
رابعا :
طالب عايز يقدم --------> و يكون عندو جامعة محددة يحلم و يتمنى يدرس فيها و يكون عندو مجال أو نخصص محدد يحلم و يتمنى يدرسه , مهم بالنسبة ليهو يدرس وين و فى أى جامعة ( يقول ليك أنا لازم أدرس فى جامعة النيلين و في كلية غلوم الحاسوب و نقانة المعلومات مثلا . ) .ومهم بالنسبة ليهو التخصص ( يقول ليك أنا لازم أدرس فى قسم غلوم الحاسوب مثلا . ) .
يقدم فيها و يقبلو و يكون طاير من الفرح لانو ح يدرس فى أحسن جامعة فى السودان و لانو ح يدرس رغبتو و ح يحقق أمنيتو, و . و لو قابلتو بعد سنة او سنتين و سالته عن الدراسة يبدا يحكى ليك عن تخصصه و تاريخ و حاضر و مستقيل مجال و بعد شاعات من الكلام عن مجالو يقول ليك ناوي أحضر الماجستير فى نفس الجامعة و فى نفس الكلية !!!!!.
و بيتمنى يعينوتى أستاذ فيها و ان شاء الله ح يجى يوم أبقى عميد لكليتى !!.هــــــــــــــــــــــل تتفق معى الان ؟؟أليس من المنطق أن تكون الطالب (كما فى رقم ثلاثة او أربعة؟؟؟ رجــــــــــــــــــــــاءا حدد مجالك الان و استشر كل طالب جامعى أو خريج يتمنى ليك الخير( ما ندم من استشار)
اللهم قد بلغت اللهم فأشهد
قال الله تعالى:("فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إن الله بَصِيرٌ بِالْعِبَادِ" ) -سورة غافر الاية 44 .
****************************************
****************************************
طريفة التقديم:
المرشد الي خطوات التقديم الالكتروني
المرشد الي خطوات التقديم الالكتروني
خمسة خطوات فقط :
الخطوة الاولي: الدخول لاجراء التقديم الالكتروني
عند الدخول الي هذه الواجهة تاكد من :
- امتلاك رقم الجلوس
- الرقم الوطني
- اسم الولاية التي جلست فيها للامتحان
لابد من ملء جميع الحقول بصورة صحيحة ثم الضغط على زر دخول.
الصورة التوضيحية
الخطوة الثانية : اكمال الملف الشخصي للطالب بادخال رقم الهاتف الشخصي وتاكيده
تاكد من الاتي
- ادخال رقم الهاتف المحمول وتاكيده
- ان البيانات الموضحة علي الصفحة تخص الطالب فقط
الخطوة الثالثة: إجراء التقديم الالكتروني
هذه الخطوة يقوم فيها الطالب باجراء العمليات التالية:
- اختيار نوع التقديم:- عام / ولائي / دبلوم.....الخ
- اختيار نوع المؤسسة:- حكومية / اهلية/ كليات تقانية
- اختيار المؤسسة.
- اختيار الكلية او البرنامج
- ثم الضغط علي زر التقديم
اختيار نوع التقديم
اختيار نوع المؤسسة
اختيار الجامعة
اختيار الكلية او البرنامج
تاكيد الطالب علي خيار الكلية او البرنامج
هذه القائمة تحوي رغبات الطالب ويستطيع الطالب اجراء العمليات التالية عليها وهي:
1- الترتيب لاعلي
2- الترتيب لاسفل
3- الحذف
الرغبات في القائمة اعلاه يستطيع الطالب الدخول في النظام في اي وقت اثناء فترة التقديم بااضافة وتعديل وحذف الرغبات مالم يقرر اكمال عملية التقديم.
الخطوة الرابعة: إستكمال الاجراءات الادارية والتاكد من الدفع الالكتروني
الخطوة الرابعة(أ)
اذا لم يسدد الطالب رسوم التقديم يقوم النظام بارشاده الي اجراء دفع الرسوم المقررة
اذا لم يسدد الطالب رسوم التقديم يقوم النظام بارشاده الي اجراء دفع الرسوم المقررة
الخطوة الرابعة(ب)
اقرار صحة بيانات التقديم والتاكد من مراجعة الرغبات
لابد للطالب من التالي:
- اختيار اوافق علي اقرار صحة بيانات التقديم.
- اختيار نعم لكل الخيارات حتي يتثني له استخراج الاستمارة الاكترونية.
الخطوة الخامسة: الاستمارة الالكترونية للتقديم
اضغط هنا للانتقال الى موقع الوزارة
لا تنسونى بصالح الدعاء ( لي و لوالدي).
اللهم أعفوا عنهم و أغفر لهم و أرحمهم و اسكنهم جنات الفردوس الاعلى
يا رب
الاستمارة الالكترونية
هي الوثيقة النهائية للتقديم وبدون الوصول الي هذه الخطوة (الخطوة الخامسة) لا يعتبر الطالب قد قام باجراء عملية التقديم ولا تعتمد رغباته
اضغط هنا للانتقال الى موقع الوزارة
لا تنسونى بصالح الدعاء ( لي و لوالدي).
اللهم أعفوا عنهم و أغفر لهم و أرحمهم و اسكنهم جنات الفردوس الاعلى
يا رب
ليست هناك تعليقات:
إرسال تعليق